Vəkillərdən ibarət bir qrup Azərbaycan hüquqşünasları “Azərbaycan Hüquq İslahatları Mərkəzi” İctimai Birliyinin yaradılması təşəbbüsünü irəli sürmüşlər. Artıq Mərkəz Ədliyyə Nazirliyndə qeydiyyatdan keçmiş və gələcək fəaliyyət istiqamətləri üzrə görüləcək konkret tədbirlər üzərində işlərini davam etdirməkdədir.
Bütün deyilənləri nəzərə alaraq “Azərbaycan Hüquq İslahatları Mərkəzi” İctimai Birliyi fəaliyyətinin əsas məqsədini ölkəmizdə aparılan hüquq islahatlarının ölkədə və xaricdə təbliği, bu sahədə əldə edilmiş təcrübənin mübadiləsi, ədalət mühakiməsinin həyata keçirilməsi zamanı məhkəmələrin fəaliyyətinə dəstəyin verilməsi, vətəndaşların hüquq və azadlıqlarının həyata keçirilməsi və genişləndirilməsi istiqamətində onların məhkəmələrə və digər orqanlara müraciət imkanlarının asanlaşdırılması, regionlarda hüquqi maarifləndirmə işinin genişləndirilməsi, aidiyyəti hüquqşünasların, həmçinin gənc hüquqşünasların qüvvəsinin bu işlərin daha da səmərələşdirilməsinə yönəldilməsi, onların fəaliyyətlərinin əlaqələndirilməsi, qanunçuluq və hüquq qaydalarının möhkəmləndirilməsinə yönələn proqramlar və layihələrin hazırlanması və həyata keçirilməsində görür.